Shugaban Kasar Zimbabwe ya tsallake rijiya da baya

Emmerson Mnangagwa ya fada jiya asabar cewa, "fashewar ta auku ne a dab da ni, sai dai lokacina baiyi ba."

Fashewar ta auku ne bayan ‘yan dakiku da Mnangagwa ya kammala jawabi a filin wasan dake Bulawayo da ya cika makil, inda ‘yan hamayya suka fi karfi.

Shugaban kasar ya bayyana cewa, an yi ta yunkurin hallaka shi, kuma yanzu abin ya zamar mashi jiki.

Tashar talabijin ta kasar tace mutane arba’in da biyu suka ji rauni a fashewar, da suka hada da mataimakin shugaban kasa.

Nan da nan babu wanda ya dauki alhakin harin.

Shugaban adawa Nelson Chamisa ya buga a shafinsa na twitter cewa, “tashin hankali bashi da wurin zama a siyasarmu.”