Allah ya yi wa fitaccen Malamin addinin Islama na Najeriya Sheikh Abubakar Giro Argungu rasuwa.
Wata sanarwar da Shugaban kungiyar Jama’atul Izalatu Bid’ah wa Ikamatissunah na kasa (JIBWIS,) Sheikh Abdullahi Bala Lau ya wallafa a shafinsa na Facebook a ranar Laraba, ta ce Sheikh Giro ya rasu ne bayan dan gajeran rashin lafiya a birnin Kebbi.
“Marigayin ya rasu ne bayan jinya da ya yi na 'dan lokaci a Birnin Kebbi. Za'a masa sallar janaza Gobe alhamis insha Allah.
“Za'a gabatar da sallar janazan Marigayi Sheikh Abubakar Giro da misalin karfe biyu na rana (2:00pm). A masallacin Idin Sarki da ke garin Argungu a jihar Kebbi, Najeriya Insha Allah.” In ji Sheikh Bala Lau.
Dandalin Mu Tattauna