Idan kocin Amurka, Gregg Berhalter ya kudiri aniyar shiga kunya ta biyu ta ficewa tun daga matakin farko akwai bukatar ya bada kykkyawan jagoranci ga tawagarsa a ranar Talata a fafatawar da kasashen biyu masu adawa da juna a siyasance zasu yi a filin wasa na Al Thumama.
Za a yi tambaya da sosaigame da mai horar da Amurka Berhalter da takwaransa na Iran, Carlos Queiroz, toh sai dai, wannan wasan ba zai zo ne kawai daga dabaru ko yanke shawarar masu horaswa ba.
Adawar da ke tsakanin kasashen biyu ta yi kamari tun cikin watan Afrilu da aka karkasa kasashen da zasu fafata da juna a cikin rukunoni a gasar, kuma abubuwan da suka faru a gasar ta Qatar ba su yi wani tasiri ba wajen kawar da wannan kiyayyar.
Kasashen da ke cikin rukunin B sun hada ne da Ingila, Iran Amurka da kuma Wales. Ingila tana da maki 4 da kwallaye 4, itama Iran tana da maki 3 da kuma bashin kwallaye 2. Amurka da bata yi kuma ba a yi nasara a kanta ba tana da maki 2 amma babu kwallo, sa’annan Wales tana da maki 1 da bashin kwallaye 2. Kasashe biyu da zasu yi fice sune zasu wuce matsayi na biyu na ‘yan 16.
A duk tsawon wannan gasar cin kofin duniya, ana tambayar tawagar Iran game da zanga-zangar da aka yi a kasarsu, watanni biyu da aka shafe ana tashe tashen hankula bayan mutuwar wata mata 'yar shekaru 22 a hannun jami'an 'yan sandan da’a a kasar, lamarin da ya yi sanadin mutuwar masu zanga-zangar 410.
