Nationals ta lashe wasan ne da ci 6-2 a wasa na bakwai kuma shine na karshe a gasar ta duniya.

Washington Nationals ta samu cancantar shiga gasar ta duniya ne bayan da ta kwashe kimanin shekaru 51 bata kai ga wannan matsayi ba, amma kuma a karshe tayi nasarar daukar kopin wasan na duniya.

Mutane da dama ne ke kallon nasarar da Washington Nationals tayi a cikin watan Oktoba a matsayin wani ikon Allah. Bayan wasanni hamsin da tayi a kakar wasa ta wannan shekara 2019, Nationals tayi gagarumar nasara da maki 19 cikin 31.

Nationals ta kafa tarihi inda ta zama kungiya ta biyu a gasar kwallon baseball ta duniya da lashe wasann 12 bayan farfadowa daga fama da ta sha a baya a kakar wasanni. Kungiyar Braves itace ta taba kafa wannan tarihi a farko a shekarar 1914.