washington dc —
Mutane 10 sun mutu a jihar Jigawa sa'ilin da wata motar bas kirar "Toyota Hummer" ta yi taho mu gama da wata tirela dake ajiye a gefen babbar hanyar Kano zuwa Hadeja a dai dai kauyen Yanfari dake karamar hukumar Taura.
Al'amarin ya faru ne da yammacin ranar 10 ga watan Nuwanbar da muke ciki, da misalin karfe 9.30 na dare, a cewar sanarwar rundunar 'yan sandan jihar.
Bas din dake dauke da fasinjoji 11, wacce Sani Mainasara daga karamar hukumar Hadeja ke tukawa ta afkawa tirelar dake ajiye.
Dukan da ta yiwa tirelar yasa bas din hantsulawa, abinda ya yi sanadiyar mutuwar direban da fasinjoji 9 nan take.
Fasinja daya ya tsira da ransa a hatsarin kuma yana karbar kulawa a asibitin sha ka tafi dake garin Majiya.
Dandalin Mu Tattauna