Kungiyar kwallon kafa ta Manchester United, zata buga wasanta da AZ Alkamaar ta kasar Jamus ba tare da dan wasan tsakiyarta Jesse Lingard ba.

A yau Alhamis 12 ga watan Disambar 2019 da misalin karfe 9 na yammaci agogon Najeriya, Nijar. Manchester zata karbi bakoncin AZ Alkamaar, a gasar cin kofin Europe na bana a matakin wasan rukuni na karshe.

Manchester tace dan wasan Jesse Lingard, ya samu rauni ne a wasan da suka doke Manchester City da ci 2-1, a ranar Asabar da ta gabata, wannan yasa bai yi atisaye a ranar Litinin ba.

Tuni dama Manchester ta na buga wasanta ba tare da dan wasanta na tsakiya Paul Pgoba ba, tun a watan Satumbar bana yake fama da rauni a gwiwar kafarsa.

Sai dai ta ce dan wasan ta na tsakiya Nemanja Matic, da mai tsaron bayanta Phil Jones, dukkansu sun samu lafiya kuma zasu fafata a wasan na yau.

Kungiyar ta Manchester United karkashin jagorancin Ole Gunnar Solskjaer, tuni suka samu zuwa zagaye na gaba wato Round of 32, cikin gasar na Europe a bana.