Najeriya ita ce kasa mafi arzikin man fetur a nahiyar Afirka kuma ta dogara da kayayyaki kusan kashi 90% na kudaden da ake samu daga kasashen waje da kusan rabin kasafin kudinta.
Kungiyar ma’aikatan man fetur da iskar gas ta Najeriya (NUPENG) ta umurci mambobinta da su tabbatar da bin ka’idar yajin aikin sai-baba-ta-gani da manyan kungiyoyin ma’aikatan Najeriya biyu suka kira.
Kungiyar ta NUPENG tana wakiltar dimbin ma’aikata ne a sassan mai da iskar gas, wadanda suka hada da ma’aikatan tankunan mai, da direbobin tankar mai da masu aikin famfo a gidanjen mai, kuma matakin da ta dauka na shiga yajin aikin wani gagarumin ci gaba ne na takaddamar kungiyoyin da gwamnati. .
Shugaban kungiyar ta NUPENG Williams Akporeha ya ce manufofin gwamnati sun haifar da "zama mai raɗaɗi da kuncin zamantakewar tattalin arziki" ga 'yan Najeriya ba tare da wasu matakan da za su bi don rage radadin da kuma tasirin nan take ba."
Shugaban kasa Bola Tinubu dai yana cikin sha matsin lamba kan ya janye matakin da ya dauka na soke tallafin man fetur wanda ya yi sanadiyar kudin mai ya yi kasa ciki shekaru da dama da suka gabata amma kuma ya daura wa kudaden gwamnati nauyi.
Yayin da manufofinsa ke faranta wa masu zuba hannun jari rai, kungiyoyin kwadagon sun ce lamarin ya haifar da tashin gwauron zabi ga ‘yan Najeriya – kimanin hudu cikin 10 daga cikinsu suna rayuwa kasa da kangin talauci a kasar yayin da suke fama da hauhawar farashin kayayyaki a kusan shekaru ashirin.
~ REUTERS
Dandalin Mu Tattauna