Kungiyar kwallon kafa ta Manchester United ta rasa damarta na halartar gasar cin kofin zakarun Turai na shekarar 2019/20.

Hakan ya zone bayan da kungiyar tayi canjaras 1-1 a gidan Huddersfield Town a wasan mako na 37 cikin gasar firimiya lig na bana da sukayi jiya Lahadi.

Manchester United a yanzu haka tana mataki na shida a teburin da maki 66, yayin da ya rage wasa daya kacal a kammala gasar bana.

Gazawa wajen doke Huddersfield da United ta yi, yasa wasu sun fara tofa albarkacin bakin su, na ayar tambaya kan kwarewar mai horas da kungiyar Ole Gunnar Solksjear, wanda aka tabbatar da shi a matsayin kocinta na dindindin a cikin watan Maris da ya gabata.

Kungiyar zata iya rasa manyan 'yan wasanta irin su Paul Pgoba, sakamakon rashin halartar gasar zakarun turai, da kuma mai tsaron ragarta David De Gea, wanda kungiyar ta bashi sati guda da ya bayyana mako marsa ko na zama ko barin kungiyar.