A yau Talata 26 ga watan Nuwambar 2019, za'a dawo cigaba da gasar cin kofin zakarun Turai UEFA Champions League na bana a matakin wasan rukuni zagaye na biyar.

Kungiyoyi 16 ne zasu fafata a cikin 32, da ke cikin gasar bisa tsarin rukuni na 8, kafin zuwa gobe Laraba 27/11/2019 sauran kungiyoyin su kece raini a tsakanisu.

Ga yadda jadawalin wasa na yau zai kasance. Kungiyar kwallon kafa ta Real Madrid ta kasar Spain zata karbi bakoncin takwararta ta Paris-saint German.

Sai kuma Tottenham ta Ingila suna tare da Olympiakos, Manchester City da Shakhtar Donestk, kana Juventus ta kasar Itali da Atletico Madrid,
Galatasaray da Club Brugges Lokomotiv Moscow da ta karbi bakoncin Bayern Leverkusen.

Sauran wasannin kuwa Red Star Belgrade zata barje gumi da Bayern Munich ta kasar Jamus, Atalanta da Dinamo Zagreb.

Za'a kuma fara wasanne tun daga misalin karfe bakwai saura minti biyar har zuwa Tara na yammaci agogon Najeriya, Nijar, Kamaru da kasar Chadi.