Gwamnatin Kamaru na Kwashe 'Yan Kasar Daga Jamahuriyar Afirka ta Tsakiya

WASHINGTON, DC —  Wakilin Sashen Hausa a kasar Kamaru Mamadou Dandah ya aiko da rahoto a kan kokarin da hukumomin kasar Kamarun suka fara yi na kwashe 'yan kasar daga Jamahuriyar Afirka ta Tsakiya wadda ke fama da rigingimu. Kamar yadda za ku ji a cikin rahoton na Mamadou Dandah, kafin ma gwamnatin kasar Kamaru ta kaddamar da kwashe 'yan kasar daga kasar Jamahuriyar Afirka ta Tsakiya, daruruwan 'yan kasar Kamaru da ke zaune a Bangui babban birnin kasar sun tsallaka kan iyaka sun koma gida.