Washington D.C. —
Sweden ta fitar da Amurka a gasar cin kofin duniya ta mata a bugun fenariti da ci 5-4, bayan da har aka yi karin lokaci ba tare da wani bangare ya zura kwallo ba.
‘Yar wasan Sweden Lina Hurtgis ce ta buga fenariti ta karshe wacce mai tsaron ragar Amurka Alyssa Naeher take takaddama kan cewa ba ta shiga raga ba, amma aka gano cewa kwallon ta riga ta tsallaka layin ragar.
Ita dai Amurka sau hudu tana lashe kofin, kuma ita take rike da kofin a halin yanzu, yayin da ta yi yunkurin kafa tarihin lashe kofin a karo na uku a jere.
Yanzu Sweden ta kai zagayen quarter-final inda za ta kara da Japan wacce ta doke Norway da ci 3-1 a ranar Asabar.
Dandalin Mu Tattauna