Mai horas da kungiyar kwallon kafa ta Barcelona, Enesto Valverde ya bayyana cewa, abunda yasa kungiyarsa bata iya samun nasara a wasansu da Huesca ba, shine na ajiye manyan 'yan wasansane inda yayi amfani da wasu matasan 'yan wasan da ba'a sansuba, hakan yasa aka tashi 0-0 da kungiyarta Huesca a gasar Laliga a ranar Asabar da ta gabata.

Kocin yace yayi hakane saboda wasan da zasu buga karo na biyu, da Manchester United cikin gasar cin kofin zakarun Turai UEFA Champion League na bana.

Cikin manyan 'yan wasan da basu buga ba harda shahararren dan wasansu Leonel Messi, wanda ya samu rauni a hancinsa a wasan da sukayi na farko a
Old Trafford yayinda sukayi arangama da dan wasan bayan Manchester Chris Smalling inda aka tashi Barcelona taci 1-0.

Valverde yace da saninmu muka saka matasan 'yan wasa wasu ma basu taba buga wasa ba sai ranar. Domin wasanmu da Manchester United saboda muna bukatar mu mayar da hankali a wasan don samu gaggarumin nasara.

Barcelona dai zata karbi bakuncin Manchester United ne a ranar Talata 16 ga watan Afirilu 2019.