Wasu rahotanni sun bayyana cewa dan wasan gaba na kungiyar kwallon kafa ta Real Madrid, dan kasar Wales Gareth Bale ya sha zagi da cin mutunci daga wajan magoya bayan kungiyar ta Real.

Hakan ya farune yayin da yake kan hanyarsa ta zuwa filin daukar horo domin cigaba da shirye shiryen tun kakar wasa mai zuwa na shekarar 2019/20.

Dan wasan ya shafe shekaru shida a kungiyar, sai dai har yanzu magoya bayan kungiyar basu gamsu da yadda yake taka musu leda ba.

Indai ba'a mantaba a kwanankin baya shima a nasa bangaren mai horas da kungiyar, Zinadine Zidane, ya bayyana cewa Bale baya cikin tsarin 'yan wasan da zai yi amfani dasu a kakar wasan.

Sai dai duk da haka dan wasan dan kasar Wales ya bayyana cewa, bashi
da niyar barin kungiyar a yanzu haka inda yake da sauran kwantirakin shekaru uku a kungiyar.

Bayan haka kuma yana daya daga cikin ‘yan wasa masu kar bar albashi mai yawa a kungiyar.

Wasu daga cikin 'yan wasan kungiyar ta Real Madrid da suke tafiya tare da dan wasan a lokacin, ba suji dadin abinda magoya bayan kungiyar suka yiwa abokin wasan na su ba.