WASHINGTON, DC - Da karfe 1:30 na rana agogon yankin aka shirya yin taron manema labarai a yau Juma'a don gabatar da Potter a karon farko a matsayin kocin Blues a filin atisayen Chelsea na Cobham.
Kafin mutuwar Sarauniyar Ingila Elizabeth ta biyu ranar Alhamis aka sanar da hakan, amma daga baya Chelsea ta dauki matakin soke taron.
Wannan matakin na zuwa ne sakamakon rashin tabbas akan ko wasannin kwallon kafar Ingila na karshen mako zai gudana kamar yadda aka tsara ko a'a. An kuma sanar cewa za’a dage wasannin Premier.
Potter ya bar kungiyar Brighton, inda ya karbi kocin Chelsea biyo bayan korar Thomas Tuchel a ranar Laraba 7 ga watan Satumba, kasa da sa’o’i 24 da kungiyar ta sha kaye a hannun Dinomo Zagreb.
Yanzu haka dai an zuba ido aga ko sabon mai horar da Chelsea zai iya farfado da kungiyar daga barcin da ta ke yi.
