'Yan wasa da dama za su bar tawagar kungiyar kwallon kafa ta Arsenal da ke buga Firimiya Lig ta kasar Birtaniya a karshen kakar wasanni ta bana, cikinsu har da Aeron Ramsey, Petr Chech da kuma Danny Welbeck.

Kulab din na Arsenal yana shirye-shiryen yin wasu manya-manya sauye sauye na sayar da wasu yan wasa a karshen kakar wasanni ta bana yayin da kulab din ya ke duba irin takaddamar kasa biyan albashi.

Yayin da kulab din yake kokarin ya zama a matsayi na hudu akan teburin gasar Firimiya Lig amma kuma gaba daya zai yi masa wuya saboda yin kunnan doki da kulab din Brighton wato daya da daya.

Kulab din na Arsenal din ya san yanzu cewa hanya daya tillo ce kadai zai iya sawa ya koma gasar zakarun turai ta Champions Leage a badi idan ya lashe gasar Europa Leage, wanda yanzu haka Arsenal ta yi nasara da ci 3-1 akan kulab din Valencia a zagayen farko

Sai dai za a sake karawa a zagaye na biyu a wasan daf da na karshe a ranar Alhamis din nan a kasar Andulus.

Mai kungiyar kollon kafa ta Arsenal, Stan Kroenke yaki ya amince ya ci gaba da saka kudadensa a cikin kulob din, a wasu kakanni wasanni da su ka gabata na kusa kusan nan inda ya matse aljuhunsa sosai ga kungiyar na kudaden da yake bayarwa.