Dan wasan gaba Netherlands Sontie Hansen, shine ya zura kwallaye ukun, lamarin da ya kawo karshen Golden Eaglets ta Najeriya a cikin gasar ta duniya.

Dan wasan na Ajax ya fara zura kwallaye biyu ne da fara wasan da mintuna 15 inda kungiyarsa ta Netherlands ta shige gaba a wasan kana ya zura kwallon karshe ta bugu panaliti a lokacin da wasan ya kai mintuna 80.

Sakamakon wannan wasa na nufin kasar ta Dutch zata hadu da wanda zai yi nasara tsakanin Paraguay da Argentina a wasan kwata final, yayin da Golden Eaglets ta Najeriya da ta lashe wannan kopin na duniya sau biyar ta kama hanya zuwa gida.

Golden Eaglets dai sun sha fama kafin suka lashe wasanni biyun karshe na matsayin rukuni kafin tayi fice zuwa ga matsayi na gaba.

‘Yan wasan Eaglets da Manu Garba ke horar dasu basu iya kai labari ba a wasannin matsayin na “Round 16”