WASHINGTON DC —
Shugaban Nigeria Muhammadu Buhari ya umurci sufeta janar na ‘yan sandan Nigeria da ya koma jihar Benue da zama har sai tsaro ya inganta.
Shugaban ya bada wannan umurnin ne jim kadan da kammala ganawar su da Gwamnan jihar ta Binuwe.
Da yake wa wakilin sashen Hausa Karin bayani,mai Magana da yawun shugaba Muhammadu Buhari, Mallam Garba Shehu yace shugaban ya damu kwarai da gaske da abinda ke faruwa a jihar ta Benue.
Shima Gwamnan jihar Benue ya shaidawa manema labarai cewa yazo fadar shugaban kasa ne domin yayi wa Shugaba Buhari Karin bayani.
Ga Umar Faruk Musa da Karin bayani 4’09
Facebook Forum